Маңғыстауда жаңа жоба бастау алды.
♻️Бүгін колледж тарихында маңызды күн. ⚜️Ақтау қаласындағы «Достық» үйінде Маңғыстау облысының білім басқармасы мен Халел Өзбекғалиев атындағы Маңғыстау жоғары политехникалық колледжінің ұйымдастыруымен «Жасанды интеллектті оқыту мен білім беру процесіне енгізу, институционалдық құзыреттерді дамыту және білім беру жүйесіне ????AI, 5G және AIoT технологияларын енгізудің негізгі қағидалары» тақырыбында халықаралық семинар өтті.
????Халықаралық семинар Үкіметтің Цифрландыру және жасанды интеллект жылын өткізу бойынша қажетті шараларының бірі ретінде, өңірімізде және колледжде цифрландыруды дамыту мен жасанды интеллект технологияларын енгізу шеңберінде әлемдік білім беру көшбасшыларының бірі — Singapore Polytechnic International (SPI) ұйымы мен Х.Өзбекғалиев атындағы Маңғыстау жоғары политехникалық колледжі бірлесіп жасаған жоба аясында ұйымдастырылды. ????Singapore Polytechnic International (SPI) ұйымымен бірлескен халықаралық деңгейдегі бұл жоба білім беру жүйесіне жасанды интеллект енгізумен ғана шектелмейді, бұл — отандық өндіріс пен экономиканың әлеуетін мүлдем жаңа деңгейге көтеруді көздейді.