Ашық есік
Ақтаудың білім ордалары үшін маңызды күндердің бірі — 16 сәуірде Х.Өзбекғалиев атындағы Маңғыстау жоғары политехникалық колледжі қабырғасында ерекше мазмұнға толы «Ашық есік» күні өтті. Бұл тағылымды шараның басты мақсаты — болашақ талапкерлерге колледждің бай тарихын, сан қырлы мамандықтарын, заманауи оқу-материалдық әрі техникалық базасын жан-жақты таныстырып, кәсіби білім алудың мүмкіндіктерін кеңінен насихаттау болды. Іс-шараға Ақтау қаласы бойынша мектептердің 9-сынып оқушылары арнайы шақырылып, олар колледждің тыныс-тіршілігімен жақын танысуға мүмкіндік алды. Жас жеткіншектер оқу кабинеттерін аралап, заманауи құрал-жабдықтармен жабдықталған зертханаларды көріп, түрлі мамандықтардың қыр-сырына үңілді. Шара барысында оқушыларға тек ақпарат ұсынылып қана қоймай, олардың жүрегінде болашаққа деген сенім мен мамандық таңдауға деген жауапкершілік сезімін оятатын мамандықтар бойынша шеберлік сыныптар ұйымдастырылды. Себебі әрбір жас үшін өмір жолын айқындайтын сәттердің бірі — дәл осы мамандық таңдау кезеңі. Ашық есік күні — талапкерлер үшін бағыт-бағдар беретін, арман мен мақсаттың арасын жалғайтын алтын көпір іспетті. Осындай игі бастамалар арқылы колледж ұжымы жас буынға сапалы білім мен жарқын болашаққа жол ашуды басты мұрат етіп келеді.