Жас маман
Еңбек нарығындағы мамандардың жұмыс берушінің талабына сай білім алуы, құзыреттіліктерді меңгерген, айқындалған біліктілігінің болуы, өндірістегі замануи технологиялық процестерді дереу меңгеруде кәсіби машықталуы өзекті мәселе болуда. Ал сол білікті кадрларды даярлайтын мекеме ол еліміздегі техникалық және кәсіптік білім беру ошақтары.
Осыған орай «Жас маман» жобасы аясында Жүйелік және желілік басқару, мехатроника, прототиптеу, ұялы робототехника, интернет заттары, CAD технология, лазерлік станок, токарлық станоктар, пісіру ісі, фрезерлік станок және инклюзив құзыреттілігі бойынша заманауи қондырғылар мен құрал-жабдықтар толықтай алынды. Жобаның мемлекеттік сатып алу бойынша алынған қондырғылар мен жабдықтардың толық сипаттамалары мен сапасы тексеріліп қабылданды.
«Жас маман» жобасы аясында сатып алынған құрал -жабдықтардың толық сатып алынуы, орналасуы, іске қосылуы және колледж студенттерінің оқу барысында пайдалануы мақсатында 2021 жылдың 11 қазанында Халел Өзбекғалиев атындағы Маңғыстау политехникалық колледжіне Әлеуметтік серіктестік және жобалар басқармасының бас менеджері Әлсейітова Гүлдана Исламовна және Маңғыстау облысының білім басқармасының техникалық және кәсіптік білім беру бөлімінің басшысы Сармурзина Жания Оналбаевна іс сапарда болды.